الزواج : السمسرة في الزواج !!!

[سي السيد]

سلام متشمشر متغبر من الحال والمزاج المتعكر
حتستغربو وتقولو الزول ده المعكر مزاجو شنو ؟؟؟؟؟
اقول ليكم
انت لما تكون داير بيت تاجرو بتمشي لي السمسار
ولما تكون داير تشتري عربيه او بيت او دكان بتمشي للسمسار
لكن الجديد وفي بلدنا الغريبه دي انو السمسره وصلت علاقتنا الاجتماعيه ومست حاجات كده
افففففففففففففف استغفر الله العظيم
افادت مصادري ان شعبنا شعب الغرائب والعجائب ابتكر طريقه جديده
السمسار بدل كان يروج ليك لي عربيه بقي يروج ليك عروس او عريس
اييييييييي والله
يعني بقي في سماسره في السوق العربي شايلين صور بتاعه بنات واولاد وكمان يشكر ليك العروس
عندها عربيه وعندها بيت حاجه تقزز بالجد كده
انا لما حكو لي ما صدقت لكن لما مشيت ولقيت الكلام جد زعلت علي الحال الوصلنا ليهو
انتو رائيكم شنو ؟؟؟
هل يمكن المتاجره بالعواطف كالسلع ؟؟؟؟؟

ملحوظه
السمسار بشيل حقو من الاثنين العريس والعروس وما بعيد يكون بشيل حقو من الماذون
وقول يالطيييييييييييييييييييييييف

[ابراهيم حمدي]

زي ما قلت يا سي السيد..
زمننا ده إبتدعوا فيه العجب العجاب
السمسرة في كل شئ..
لكن إنت مستغرب ليه؟
لانو عاجلا أم أجلا كانت حتحصل

[عزاز]

معقوله وصلو للدرجه دي

[ابراهيم حمدي]

أكيد يا عزاز..
الزواج أكبر صناعة في العالم
والناس العاقلة والمقتصدة في الصرف بتتجنن في العرس
يعني زمان منو كان يتصور أن "الكوشة" ممكن يندفع فيها قروش كتيييرة
أما تسريحة العروس ؟؟؟؟؟؟؟؟؟؟؟؟؟؟؟؟
والمكياج والزفة والورد والدخان الشاعري والصور بالأفرنجي والبلدي
وووو

[ابراهيم حمدي]

سي السيد...
إنت عاوز السماسرة يقيفوا علي هامش الصناعة دي ؟
ويخللوا المساكين (أهل العريس والعروس) بدون ما يساعدوهم ينفقوا قروشهم ويفلسوا؟
والله دي تبقي قسوة..

وللحديث بقية..
والعاقبة في المسرات...

[الطيب]

يا جماعة ...
الناس وصلت للدرجه دى؟؟؟؟؟؟؟؟؟؟؟؟؟؟؟؟؟
العرس دا الوحيد المابينفع فيه تدخل اى زول ...