 |
 |
 |
 |
|
|
|||||||
| التعليمـــات | قائمة الأعضاء | التقويم | البحث | مشاركات اليوم | اجعل كافة المشاركات مقروءة |
| ماركة نشئة المؤسسات ورحلة ماركتها من إبتداعها وتطويرها والحفاظ علي مكانتها في عالم متغير دوماً |
 |
|
|
أدوات الموضوع | طرق مشاهدة الموضوع |
|
#1
02-04-2009, 12:29 PM
|
||||
|
||||
البنك السوداني الفرنسي
البنك السوداني الفرنسي.. إسم معنا من سنة 1993.. قبل كده كان البنك العالمي السوداني.. وقبله كان الإسم البنك السوداني للإستثمار.. مقدمة البنوك مؤسسات خدمية تجذب الأموال وتحركها في الإقتصاد المحلي ووبرضو بتحركها في الإقتصاد الإقليمي والعالمي.. والبنوك المختلفة تقدم نفس الخدمات المصرفية للجماهير.. ولذلك تجد البنوك صعوبة تسّوق نفسها للجمهور.. ولما تتشابه الخدمات بيبقي الفرق الوحيد هو طريقة تقديمها.. السرعة أو التخفيض أو التوصيل أو إستقبال العميل في أي وقت أو إختيار نوع متخصص من العملاء.. وبيبقي المكان الوحيد ال بيتخلق فيهو الفرق هو المخ.. مكان ما بتتولد الماركات..
__________________
مع فائق الإحترام.. ودمتم 
التعديل الأخير تم بواسطة : ابراهيم حمدي بتاريخ 03-21-2009 الساعة 01:53 AM. 
|
|
#2
03-21-2009, 01:40 AM
|
||||
|
||||
|
الشعار المرئي رجل فوق جمل
والجملة الإعلانية هي "لؤلؤة المصارف" أو "لؤلوة القطاع المصرفي".. الجمل سفينة الصحراء.. رمز التحمل والصمود.. والوصول لنهاية المطاف.. واللؤلؤة رمز العراقة والقيمة المرتفعة جداً.. الماركة الناجحة مجموعة من الإنطباعات الإيجابية بتحرض الإنسان يتفاعل معاها.. لو سلعة يشتريها مرة والتانية والتالتة و... و... ولو خدمة يطلبها أكتر من مرة ولو قيمة يحافظ عليها.. تعالوا نقرا الإنطباعات ال بيخلقها إسم البنك السوداني الفرنسي.. والإنطباعات دي بدأت من قبل زمن الإنترنت.. وإستمرت بعده..
__________________
مع فائق الإحترام.. ودمتم
التعديل الأخير تم بواسطة : ابراهيم حمدي بتاريخ 03-21-2009 الساعة 01:54 AM.
|
|
#3
03-21-2009, 01:43 AM
|
||||
|
||||
|
أول إنطباع إنه مربوط بفرنسا، وكان مربوط بالملكية قبل سنوات لكن الآن الملكية كلها سودانية.. لكن الإنطباع ما إتغير..
وفرنسا بلد أساسي في منظومة البنوك والإقتصاد العالمي. يعني البنك السوداني الفرنسي هو نفسه من منظومة البنوك العالمية يعني علاقاته بالخارج ممتازة.. يعني التحاويل سريعة وأكيد تكلفتها أرخص.. وال بيشوف مطبقات البنك ما بيخيب ظنه.. البنك عنده مراسلين في كل البلدان الأساسية.. البنوك قطاع مؤثر في المجتمعات الحديثة ويمكن في سبعينيات القرن الفات كانت أكبر مخدم.. بعدها جات قطاعات تانية زي البترول.. والإتصالات.. لكن أغلب الناس لسه عاوزة تشتغل في البنوك – علي الأقل لفترة - لان خبرة البنوك هي الخبرة الأساسية في المعاملات التجارية والمحاسبية الحديثة..
__________________
مع فائق الإحترام.. ودمتم
|
|
#4
03-21-2009, 01:46 AM
|
||||
|
||||
|
تاني إنطباع..
نوعية الناس الذين يعملوا في البنك السوداني الفرنسي.. وما دام البنك مؤسسة عالمية يبقي بديهيا البيشتغل فيها مستواه عالمي.. يعني الأفضل.. والأفضل بيستحق ماهية أعلي.. مرة تانية من يدخل فروع البنك السوداني الفرنسي يجد أن الموظفين في غاية الأناقة.. وأين توجد عاصمة الأناقة العالمية والموضة؟ بالضبط.... باريس، عاصمة الموضة العالمية .. في فرنسا...
__________________
مع فائق الإحترام.. ودمتم
|
|
#5
03-21-2009, 01:47 AM
|
||||
|
||||
|
في الإعلان بنقول أن الإنتشار مهم للنجاح..
لكن لو فحصنا البنك السوداني الفرنسي نجد أن عدد فروعه بسيطة بالنسبة لبلد زي السودان.. أقل من عشرين فرع.. وبالتحديد 19 فرع.. 8 منهم في الخرطوم الكبري.. يعني 40% من فروع البنك في العاصمة.. و11 في باقي الأقاليم.. ولو قلنا أن عندنا 26 ولاية يبقي إنتشار البنك السوداني الفرنسي بيغطي حوالي 40% من ولايات السودان.. وبنك بسمعة الفرنسي مفروض يستغل اسمه أحسن إستغلال.. وينتشر بلا حدود.. ولا أيه؟
__________________
مع فائق الإحترام.. ودمتم
التعديل الأخير تم بواسطة : ابراهيم حمدي بتاريخ 03-21-2009 الساعة 01:55 AM.
|
|
#6
03-21-2009, 01:49 AM
|
||||
|
||||
|
البنك مؤسسة تجارية لكن إتجاه التفكير بتاعهم بيرجح الحصرية..
يعني أحسن تخدم عدد محدد من العملاء بتركيز وجوده أعلي بدل ما تشتت المجهود.. وده مريح للعملاء.. العميل عارف أن العملاء التانيين كويسيين وأن شغله لو كبير ما بيعطله زبون صغير إزعاجه أكبر من منفعته.. وأن حتي لو شغل العميل صغير بيأخد نصيبه من الإهتمام والحرص اللي بيكون من نصيب الشغل الكبير.. لؤلؤة المصارف.. البنك السوداني الفرنسي.. ماركة سودانية متميزة ناجحة..
__________________
مع فائق الإحترام.. ودمتم
|
|
#7
03-21-2009, 01:50 AM
|
||||
|
||||
|
من ساعة بزنس عام 2006م
__________________
مع فائق الإحترام.. ودمتم
|
|
#8
07-21-2010, 06:07 PM
|
|||
|
|||
|
اقتباس:
|
|
#9
07-21-2010, 07:29 PM
|
||||
|
||||
|
اقتباس:
وكلامك صحيح الحاجة دي مش جميلة بس لكنها مفيدة للبنك ولزباين البنك
__________________
مع فائق الإحترام.. ودمتم
|
|
| أدوات الموضوع | |
| طرق مشاهدة الموضوع | |
|
|
العرض العادي
