 |
 |
 |
 |
|
|
|||||||
| التسجيل | التعليمـــات | قائمة الأعضاء | التقويم | البحث | مشاركات اليوم | اجعل كافة المشاركات مقروءة |
 |
|
|
أدوات الموضوع | طرق مشاهدة الموضوع |
|
#1
11-26-2009, 04:59 AM
|
||||
|
||||
كيف ننعنش اجتماعاتنا ؟
الاجتماعات من انشطة العمل ال شعبيتها واطية شديد
جريدة انجليزية كبيرة عملت استطلاع.. لقت انو الاجتماعات بتسبب تعاسة حقيقية للموظفين.. وانو كلما الناس قضت مده أطول في الاجتماعات كلما كانت النتايج سلبية و واحدة من شركات الإستشارات بتقول ان الاجتماعات مضرة اكتر مما هي نافعة.. عشان الاجتماعات بتقسم يوم العمل لوحدات صغيرة ما منطقية ومتنافرة مع باقي جدول اليوم الكلام فيها كتير كتير والافكار المتداولة غريبة ونادرا ما يكون هدف الاجتماع منطقي وما بيحل مشكلة حقيقية بتواجه الناس في يوم العمل وكمية المعلومات المتناقلة في الدقيقة الواحدة بسيط لابعد حدود.. ده عكس مقولة ان "الوقت من دهب: الاجتماع بيتخطف من تحت رجلين الناس المهمين - وبيسيطر عليهو واحد "ابن لذين" بيضيع زمن الناس بكلام وهم وهضربة.. وخزعبلات اثناء النقاش موضوعات الاجندة بتطش والناس تلاقي نفسها بتتكلم في مواضيع بعيدة من الاجنده الاجتماعات بتحتاج انو الكل يتحضر ليها.. بقراية تقارير او مرفقات الاجندة.. وعدد الناس اللي بيعملوا كده لاي اجتماع بيكون بسيط... اللهم الا الزول الصعب ال عاوز يضيع زمن الناس اللي ذكرناهو فوق لكن مستحيل الناس تستغني عن الاجتماعات خاصة في اجواء العمل العصرية اللي بتتطلب شغل جماعي في كل القطاعات والمعرفة بتكون متوزعة عبر اعضاء الشركة او الفرق.. ولازم الناس تجتمع عشان توري بعض الحاصل شنو في اختصاصها طيب والحل شنو؟
__________________
مع فائق الإحترام.. ودمتم 
|
|
#2
11-26-2009, 04:59 AM
|
||||
|
||||
|
الحل هو اجتماعات جودة عالية ومثمرة..
انا متخيلكم بتقولوا انو دي من سابع المستحيلات لكن تعالوا نستمع لتعريف الاجتماعات ال جودتها عالية وبعدين نشوف اذا كانت فعلا من سابع المستحيلات 1 – الاجتماعات المثمرة والجيدة .. فعالة.. الناس بتنجز فيها اعمال 2- ايجابية ومرحة.. عشان الناس تكون متحفزة ومنتظرة الاجتماع الجاي بفارغ الصبر 3- فيها مشاركات حقيقية.. والمشاركات من كل الناس.. مش ناس تشارك مشاركات جيدة وناس تعيد الكلام زي البغبغانات وناس تهز راسها موافقة وهم في الحقيقة سارحين بره في ارض الله الواسعة 4- رحبة.. اي زول ممكن يقول اللي في باله بدون ما يخاف.. خاصة في مصلحة الشغل 5- مبدعة.. التفكير البيدور في الاجتماع بيسوق الناس لاماكن جديدة مبهرة
__________________
مع فائق الإحترام.. ودمتم
|
|
#3
11-26-2009, 05:00 AM
|
||||
|
||||
|
افتتاح الاجتماع باشياء ايجابية
علماء النفس بيقولوا ان افتتاحية الاجتماعات بتحدد مسار باقي الاجتماع
لو بدا بداية سلبية.. شكاوي .. ومطاعنات.. ومشاكل.. الله قال بقولكم.. حتقضوا لحظات عصيبة جدا جدا وتتمنوا ان الارض تتشق وتبلعكم والعكس صحيح.. لو بدا بداية ايجابية.. حيكون فرص الانجاز فيهو عالية ونجاحه مضمون وعشان الناس تتاكد ان الاجتماع ايجابي ممكن تقترح انو كل زول يقول حاجة ايجابية حصلت في الشغل مما الناس اتقابلت اخر مرة.. والحاجة دي تكون مختصرة ومفيده.. ما اكتر من نص دقيقة
__________________
مع فائق الإحترام.. ودمتم
|
|
#4
11-26-2009, 05:02 AM
|
||||
|
||||
|
توقيف الاجتماع اجباري
الناس ممكن يجيها الانطباع انو لو اشتغلت كل الشغل في جلسة واحدة بتوفر الوقت.. خاصة لو اجندة الاجتماع مليانة لكن اتذكروا اجتماع طويل بدون استراحات.. شعوركم كان شنو؟ انا شخصيا باتعب جدا وعقلي بيروح بعيد.. مرات افكر في برامج المساء الاجتماعية او برامج بكرة او اتذكر فيلم او اي حاجة.. الا الاجتماع والشغل.. مقاطعة الاجتماع باستراحات قصير متكررة بتخللي المخ يرتاح ويشحن.. وبيزح الضعط الشديد وده بيريح الناس ويخليها تركز في الشغل.. والطريقة ان كل ساعة لازم تكون في استراحة طولها 5 دقايق.. وكل نص ساعة تحصل مقاطعة سريعة بلغز او سؤال يخللي الناس تفكر في حاجة بره المكتب.. او الناس كلها تقوم تقيف عشان تنشط دورتها الدموية وعشان الناس ما تتلخم وتنسي ال بريكات او الاستراحات ممكن تضبط منبه.. وعشان الزول ال عاوز يستحوذ علي الاجتماع ما يقول ان مافي منبه استعملوا المنبه ال في موبايلكم
__________________
مع فائق الإحترام.. ودمتم
|
|
#5
11-26-2009, 05:02 AM
|
||||
|
||||
|
اتخلص من طربيزة الاجتماع
وجود طربيزة غرضه شنو في الاجتماعات؟ عمركم كتبتوا حاجة اثناء اجتماعاتكم؟ اذا كنتوا صاحيين بتكونوا بتفكروا كيف تهاجموا المتحدث.. لكن لو كنتوا "بين بين" .. بين صاحيين ونايميين.. الطربيزة بتمسك ليكم كباية القهوة اما لو نمتوا اثناء الاجتماع الطربيزة بتحميكم من الوقوع علي الارض الطربيزة ال بتكون في غرف الاجتماعات بتكون كبييييرة .. سفينة تايتانيك صغيرة... وبتخللي الناس بعيدة من بعض لو اتخلصت من الطربيزة الناس بيكون عندها حرية حركة اكبر والناس بتتكشف !! عدم وجود طربيزة بيخللي ما عندهم حماية فبيضطروا يشاركوا الناس بتقرب لبعض وقعاد الناس في دايرة بيخللي الكل متساوي وبتزيد اهميتو ومشاركته
__________________
مع فائق الإحترام.. ودمتم
|
|
#6
11-26-2009, 05:03 AM
|
||||
|
||||
|
استغل الصمت بذكاء
دي واحدة من الاشياء ال ما بتحصل في غرف الاجتماعات وده لاننا كلنا بنفتكر انو غرض الاجتماع هو الـ "نضمـ" ـي ولما نكون ساكتين معناه احنا ما بننضم الغرض من الاجتماع ما الكلام الغرض اننا نتوصل ل افكار – وافكار كويسة نقدر نطبقها علي ارض الواقع.. والسكوت بيساعد الناس تفكر.. لان اغلبنا ما بيعرف يفكر اثناء ما بيتكلم.. لازم نسكت عشان المخ يفكر كويس برضه السكوت الغرض منه التوصل ل حلول وخطط وقرارات والطريقة العملية هي انو نقرر اننا نسكت لمدة دقيقتين عشان نفكر لما نستعرض الحقايق ممكن بعدها الناس تسكت عشان تهضمها بعد كده الناس تبدا تناقش او لما النقاش يشتد وما بيكون واضح ان الناس حتتقدم لقدام.. ممكن مقرر الاجتماع يدي الناس فرصة دقيقتين صمت عشان تفكر في شعورها نحو النقاش او لما الناس تتوصل لقرار.. دقيقتين السكون بيساعدوا الناس تتبحر في نتايج القرار
__________________
مع فائق الإحترام.. ودمتم
|
|
#7
11-28-2009, 11:12 AM
|
|||
|
|||
|
الاستازحمدى التحيه والتجله لك ولكل اعضاء المتدى
الخص حديثك عن الاجتماعات فى الآتى (خير الكلام ما قل ودل)
|
|
#8
11-28-2009, 03:48 PM
|
||||
|
||||
|
والله دة حقيقة يا مستر انو الاجتماعات بتسبب تعاسة حقيقية للموظفين وانا شخصيا بفضل AFTER NOON SHIFTلانو مافي اجتماعات ومرة كان الادرة حددت اجتماع للسودانين استغرق ساعتان المدير سال نائبه وين الموظفين رد عليه بانهم في اجتماع قال How it comes meeting two hours
__________________
قال احد السلف:والله ما جمَل بعضنا في أعين بعضٍ إلا جميل ستر الله علينا
|
|
#9
11-28-2009, 09:28 PM
|
||||
|
||||
|
اقتباس:
والله ليك وحشة.. كل سنة وانت واسرتك طيبين تلخيصك في محله.. ما تجي نجتمع يا زول.. والاجندة : تحكي لي الحاصل شنو معاك اليوم: يا ريت يوم عمل وساعات عمل وفي مكان عمل وإلا ما حيكون اجتماع سوداني ما تنسي تتاخر يا زول لو جيت بدري ما حتلقاني.. ولو جيت متاخر برضة ما حتلقاني !!!
__________________
مع فائق الإحترام.. ودمتم
|
|
#10
11-28-2009, 09:45 PM
|
||||
|
||||
|
اقتباس:
لما تجتمع مجموعات محددة بغرض حل مشكلة معينة.. مثلاً في رمضان 2006م لما كنا عاوزين نملا خانة السهرة ببرنامج عملت اجتماع حضره قسم التسويق (انا وشابة) وقسم المسابقات(اسراء) ومن البرامج (خندقاوي).. كنا عاوزين البرنامج يكون مفاجاة للكل.. بما فيهم نحن !! الاجتماع كان لجمع الافكار لبرنامج مدهش وخارج اطار المالوف.. الاخت اسراء كانت اكتر واحده عندها خبرة برامجية وخندقاوي خبرته الاعلامية الصحفية كانت اقوي من خبرته الاذاعية في وقتها.. النتيجة كانت دردشة.. برنامج open زي برامج الكمبيوتر open source ما في شخص يعرف ما سيدور في البرنامج الا مع اول رنة تلفون!! وكل مستمع عنده القدرة يسهم في ادارة البرنامج والتحكم فيه.. الاجتماع ما مفروض يطول شديد والا سيفقد الكل التركيز حتي لو كان اجتماع كويس..
__________________
مع فائق الإحترام.. ودمتم
|
|
| أدوات الموضوع | |
| طرق مشاهدة الموضوع | |
|
|
العرض العادي
